Naxçıvanda festival bu səbəbdən təxirə salındı

Naxçıvanda keçiriləcək “Aqro festival” istilər səbəbindən təxirə salınıb.

Telexeber.az xəbər verir ki, bu barədə "Report"un yerli bürosuna Naxçıvan Muxtar Respublikası Kənd Təsərrüfatı Nazirliyinin mətbuat xidmətindən bildirilib.


Qeyd olunub ki, festival 8-9 sentyabr tarixlərində baş tutacaq. Bildirilib ki, məqsəd həm festival iştirakçılarının rahatlığını təmin etmək, həm də sərgilənəcək məhsulların keyfiyyətini qorumaqdır.

Qeyd edək ki, festivalın avqustun 25 və 26-da keçiriləcəyi nəzərdə tutulmuşdu.

Xatırladaq ki, son günlər Azərbaycanda havanın temperaturu artıb və bununla bağlı əhaliyə xəbərdarlıq edilib.