Qubada ikimərtəbəli ev yandı

Qubada evdə yanğın hadisəsi baş verib.

Telexeber.az xəbər verir ki, bu barədə Fövqəladə Hallar Nazirliyi (FHN) məlumat yayıb.
Məlumata görə, rayonun Bərğov kəndində ümumi sahəsi 240 m² (hər mərtəbəsi 120 m²) olan ikimərtəbəli evin yanar konstruksiyaları 226 m² sahədə yanıb. Evin qalan hissəsi və bitişik ikimərtəbəli ev yanğından mühafizə olunub.

Yanğın yanğından mühafizə bölmələri tərəfindən söndürülüb.