İmişlidə ağır qəza baş verdi - Xəsarət alanlar var

İmişlidə yol nəqliyyat hadisəsi baş verib.

Telexeber.az xəbər verir ki, hadisə günorta saatlarında Ağsu-Kürdəmir-Bəhrəmtəpə avtomobil yolunun İmişli rayonu Göbəktala kəndindən keçən hissəsində qeydə alınıb.

Belə ki, 1998-ci il təvəllüdlü Nəsirov Sevindik Məhərrəm oğlu idarə etdiyi 99-ZU-786 dövlət nömrə nişanlı “Opel” markalı avtomobillə hərəkətdə olarkən idarəetməni itirib, nəticədə avtomobil yoldan çıxıb. Hadisə zamanı sürücü və avtomobildə olan 1998-ci il təvəllüdlü üç sərnişin, Rüstəmov Şəfi Etibar oğlu, Hüseynli Xankişi Tofiq oğlu, Şükürov Cahid Elçin oğlu müxtəlif dərəcəli bədən xəsarətləri alıb.

Yaralılar İmişli rayon mərkəzi xəstəxanasına yerləşdirilib.

Faktla bağlı araşdırma aparılır.