Şuşa-Xankəndi yolundan sülhməramlılara aid daha dörd avtomobil keçib

Eko-aktivistlərin Qarabağda Rusiya sülhməramlılarının müvəqqəti məsuliyyəti zonasında keçirilən etiraz aksiyası 23-cü gündür ki, davam edir.

Telexeber.az xəbər verir ki, Şuşa-Xankəndi yolundan sülhməramlılara aid daha 4 təminat avtomobili maneəsiz keçib.


Səhər saatlarından bu vaxtadək müxtəlif saatlarda ümumilikdə 20-ə yaxın avtomobilin keçidinə şərait yaradılıb.

Xatırladaq ki, Azərbaycanın Qarabağ iqtisadi rayonunda faydalı qazıntı yataqlarının qanunsuz istismarı əleyhinə Şuşadan keçən Xankəndi-Laçın yolunda keçirilən etiraz aksiyası 23 gündür davam edir. Şuşa ərazisində Rusiya sülhməramlılarının nəzarətində olan yolun bir hissəsində etiraz aksiyası azərbaycanlı aktivistlər və ekologiya üzrə qeyri-hökumət təşkilatlarının (QHT) üzvləri tərəfindən Qarabağ iqtisadi rayonunda ekoloji terrora son qoyulması tələbi ilə keçirilir.