Fransa Senatı Qolodomoru Ukrayna xalqının soyqırımı kimi tanıdı

Fransa Senatı (parlamentin yuxarı palatası) 1932-1933-cü illər Qolodomorunun ukraynalıların soyqırımı kimi tanınmasını dəstəkləyib.

Telexeber.az xəbər verir ki, bu barədə Ukraynanın xarici işlər naziri Dmitri Kuleba “Twitter” səhifəsində yazıb.


“Fransa Senatı indicə 1932-1933-cü illərin Qolodomorunu Ukrayna xalqının soyqırımı kimi tanıdı. Mən ədaləti bərpa edən və milyonlarla qurbanın xatirəsini ehtiramla yad edən bu tarixi səsverməyə görə fransız senatorlarına minnətdaram”, - Kuleba bildirib.

Xarici işlər naziri qeyd edib ki, belə cinayətlər heç vaxt təkrarlanmamalı və heç vaxt unudulmamalıdır.