Məşhur müxalifətçi Ərdoğanın tərəfinə keçdi

Türkiyənin ana müxalifət təşkilatı olan Cümhuriyyət Xalq Partiyasının (CXP) məşhur siması mənsub olduğu düşərgəni tərk edib.

Telexeber.az yerli mediaya istinadla xəbər verir ki, Ankaranın ən böyük rayonlarından biri olan Keçiörənin CXP-çi bələdiyyə sədri Mesut Özarslan bu gün partıya siralarından istefa verib. Məşhur müxalifətçi istefasına səbəb kimi CXP lideri Özgür Özelin onu təhqir etdiyini və partiyadaşlarının əsassız hücumuna məruz qalmasını göstərib.
Türkiyə mediası isə fərqli iddia ilə çıxış edib. KİV muxalif bələdiyyə sədrinin rüşvət və korrupsiya bataqlığında boğulduğunu yazıb. Onun hakimiyyət düşərgəsinə keçməklə həbsdən canını qurtarmaq istədiyi iddia olunub.