Ərdoğan Qazaxıstana səfər etdi

Türkiyə Prezidenti Rəcəb Tayyib Ərdoğan rəsmi təmaslar aparmaq üçün Qazaxıstana səfər edib.

Telexeber.az xəbər verir ki, dövlət başçısının sıx diplomatik proqramı paytaxt Astanadan başlayıb. Prezident Ərdoğan burada Qazaxıstan Prezidenti Kasım-Jomart Tokayevlə təkbətək görüş keçirəcək. Daha sonra liderlərin həmsədrliyi ilə Türkiyə-Qazaxıstan Yüksək Səviyyəli Strateji Əməkdaşlıq Şurasının iclası baş tutacaq. Astana görüşlərindən sonra Ərdoğan Türk dünyasının mənəvi paytaxtı Türküstana yollanacaq.
O, burada Türk Dövlətləri Təşkilatının (TDT) Qeyri-rəsmi Liderlər Zirvəsində iştirak edəcək.