Yaşıllıqları qorumaq, inkişaf etdirmək və şəhər ekosistemini daha da gözəlləşdirmək istiqamətində mühüm rol oynayan qurumlardan biri Bakı Şəhər Yaşıllaşdırma Təsərrüfatı Birliyidir.Bu mühüm sahədə fəaliyyət göstərən hər bir rəhbər, hər bir mütəxəssis şəhərin abad və gözəl simasının qorunmasında xüsusi pay sahibidir. Bu fədakar şəxslərdən biri də uzun illər səmərəli fəaliyyəti ilə seçilən, hazırda Bakı Şəhər Yaşıllaşdırma Təsərrüfatı Birliyinin direktor müavini vəzifəsini icra edən Salahov Yaşar Hüseyn oğludur.
Yaşar Salahov daim işinə məsuliyyətlə yanaşan, dövlət əmlakına və vətəndaş maraqlarına hörmətlə yanaşmağı öz fəaliyyət prinsipi kimi qəbul edən bir şəxsdir. Onun rəhbərliyi altında aparılan işlərdə dəqiq planlaşdırma, peşəkar idarəçilik və yüksək intizam hər zaman hiss olunur. O, qarşıya qoyulan hər bir tapşırığı vaxtında və keyfiyyətlə yerinə yetirməklə həm rəhbərliyin, həm də kollektivin dərin etimadını qazanmışdır.
O, uzun müddət “Su quyularının istismarı və təmiri xidməti idarəsi”nin rəisi vəzifəsində çalışaraq, şəhərin su təminatı və yaşıllıq sahələrinin davamlı inkişafında əvəzsiz xidmətlər göstərmişdir. Məhz onun rəhbərliyi dövründə bir çox su quyularının bərpası, istismara yararsız vəziyyətdə olan sistemlərin yenilənməsi, texniki avadanlıqların müasirləşdirilməsi həyata keçirilmişdir. Bu işlər nəticəsində Bakı şəhərində yaşıllıq sahələrinin suvarma sistemi daha da təkmilləşdirilmiş, bitkilərin sağlam böyüməsi üçün optimal şərait yaradılmışdır.
Bakı Şəhər Yaşıllaşdırma Təsərrüfatı Birliyində direktor müavini kimi fəaliyyətə başlaması Yaşar müəllimə göstərilən böyük etimadın göstəricisidir. Bu etimad təsadüfi deyil – çünki o, illərlə qazandığı təcrübəsi, bilikləri və məsuliyyətli xidməti ilə bu etimadı tam şəkildə doğrultmağı bacarmış bir kadrlardandır. Yeni vəzifəsində də o, şəhərin abadlığı, təbiətin qorunması və yaşıllıq sahələrinin artırılması istiqamətində uğurlu addımlar atmaqdadır.
Yaşar müəllimin fəaliyyət fəlsəfəsinin mərkəzində Vətənə, dövlətə və xalqa xidmət dayanır. O, çalışdığı hər bir sahədə dövlət başçısı cənab İlham Əliyevin rəhbərliyi ilə həyata keçirilən ekoloji siyasətin uğurla icrasına öz əməli fəaliyyəti ilə töhfə verir. Bakı şəhərinin yaşıllaşdırılması istiqamətində həyata keçirilən layihələrdə onun fəal iştirakı, təşəbbüsləri və təşkilatçılıq bacarığı xüsusi qeyd olunmalıdır.
O, hər zaman kollektivinə qayğı ilə yanaşan, əməkdaşlarının təcrübə və peşəkarlığının artırılması üçün şərait yaradan bir rəhbərdir. Əməkdaşları arasında hörmət və etimad qazanan Yaşar Salahov, işgüzarlığı, sadəliyi və səmimiliyi ilə fərqlənir. O, təkcə rəhbər deyil, həm də kollektiv üçün bir dost, bir məsləhətçidir. Onun rəhbərlik etdiyi sahələrdə əmək intizamı, təmizlik, səliqə və texniki təhlükəsizlik qaydalarına ciddi riayət olunması artıq bir ənənə halını almışdır.
Salahov Yaşar Hüseyn oğlu təbiətin və yaşıllıqların qorunmasını sadəcə bir vəzifə deyil, mənəvi borc kimi qəbul edir. O, hər bir ağacın, hər bir yaşıllıq sahəsinin şəhər üçün nə qədər dəyərli olduğunu dərindən dərk edir və bu dəyərlərin qorunması üçün böyük məsuliyyət hissi ilə çalışır. Onun təşəbbüsü ilə son illərdə həyata keçirilən bir çox abadlıq və yaşıllaşdırma layihələri Bakı sakinləri tərəfindən məmnunluqla qarşılanmışdır.
Yeni vəzifəsində də Yaşar müəllim eyni prinsipiallıq və peşəkarlıqla fəaliyyət göstərir. O, qarşıya qoyulan məqsədləri dövlətin ekoloji siyasəti və şəhər inkişaf strategiyasına uyğun şəkildə həyata keçirməyə çalışır. Yaşar müəllim üçün ən böyük mükafat, gördüyü işlərin nəticəsində paytaxtın daha da yaşıllaşması, təmiz və sağlam ekoloji mühitin formalaşmasıdır.
Onun rəhbər kimi ən üstün keyfiyyətlərindən biri də daimi yenilik axtarışında olmasıdır. O, müasir texnologiyaların tətbiqinə, avtomatlaşdırılmış suvarma sistemlərinin quraşdırılmasına, enerji səmərəliliyinin artırılmasına və ekoloji innovasiyaların tətbiqinə xüsusi önəm verir. Bu yanaşma Bakı şəhərinin abadlıq sisteminin müasir standartlara uyğunlaşdırılmasına böyük töhfə verir.
Yaşar müəllimin şəxsi keyfiyyətləri də onu tanıyan hər kəs tərəfindən yüksək qiymətləndirilir. Təvazökarlığı, humanistliyi, vətəndaşlara qarşı diqqət və qayğısı, əməksevərliyi onun simasını tamamlayan əsas xüsusiyyətlərdəndir. O, iş həyatında olduğu kimi, cəmiyyət arasında da etibar və nüfuz sahibi bir şəxs kimi tanınır.
Bakı Şəhər Yaşıllaşdırma Təsərrüfatı Birliyinin kollektivinin və şəhər sakinlərinin də inamı var ki, Salahov Yaşar Hüseyn oğlu yeni vəzifəsində də uğurlu fəaliyyətini davam etdirəcək, paytaxtın gözəlliyi və ekoloji tarazlığının qorunması sahəsində yeni nailiyyətlərə imza atacaq.
Yaşar müəllimə yeni vəzifəsində uğurlar və daha böyük nailiyyətlər arzulayırıq.
Telexeber.az
