Daşkəsən rayonunda 5 yaşlı uşağı avtomobil vurub

Daşkəsən rayonunda azyaşlı piyadanın xəsarəti ilə nəticələnən yol qəzası baş verib.

Telexeber.az report-a istinadən xəbər verir ki, hadisə rayonun girişindəki Bayraq meydanı ərazisində qeydə alınıb.
Göygöl rayon sakini, 2015-ci il təvəllüdlü Yusif Nurlan oğlu Atayev yolu qarşı tərəfə keçərkən onu "VAZ-21015" markalı avtomobil vurub. Müxtəlif bədən xəsarətləri alan azyaşlı xəstəxanaya yerləşdirilib.

Faktla bağlı araşdırma aparılır.