Körpəsinin üzünü görmədən şəhid oldu - FOTO

20 Yanvar gecəsi sıravı vətəndaşlarla bərabər peşə borcunu yerinə yetirən zaman düşmən gülləsinə tuş gələn daxili işlər orqanlarının əməkdaşları, polislər də var idi.

Həmin dəhşətli gecədə yenicə evlənmiş kiçik serjant Telman Bağırov peşə borcunu yerinə yetirmək üçün “gələcəyəm” deyib evdən çıxıb gedir. Güllə yarasından şam işığında beş saat əməliyyat olunan Telmanı həyata qaytarmaq mümkün olmur. Qəhrəman polisimiz ilk körpəsinin üzünü görmədən dünyaya əlvida deyib, şəhadətə qovuşur.