Bakı metrosu 19 milyondan çox sərnişin daşıyıb

"Bakı Metropoliteni" QSC may ayında 19 milyon 91 min 678 sərnişin daşıyıb.

Telexeber.az xəbər verir ki, bu barədə səhmdar cəmiyyətindən bildirilib.
Məlumata əsasən, ötən ay 1 milyon 673 min 358 sərnişin "Koroğlu" stansiyasından istifadə edib. Qurban bayramı və Müstəqillik Günü daxil olmaqla, 27–31 may tarixlərini əhatə edən qeyri-iş günlərində sərnişinlər metrodan 2 milyon 134 min 80 dəfə istifadə ediblər.

NFC və QR bilet vasitəsilə ümumilikdə 9 milyon 222 min 99 ödəniş həyata keçirilib. Bu göstərici ay ərzində metrodan ödənişli istifadə edən sərnişinlərin 49,7 %-ni təşkil edir.