Azərbaycanda ağır qəza - Sürücü öldü, arvadı yaralandı

Beyləqan rayonunda avtomobillər toqquşub, sürücü ölüb, arvadı xəsarət alıb.

Bu barədə Telexeber.az-a Daxili İşlər Nazirliyinin (DİN) Mətbuat Xidmətindən məlumat verilib.


Bildirilib ki, hadisə noyabrın 13-ü saat 15 radələrində rayonun Dünyamalılar kəndi ərazisində qeydə alınıb.

Belə ki, rayonun Aşıqalılar kənd sakini Camal Abbasovun idarə etdiyi “VAZ-2106” və Füzuli rayon sakini Ş.Həziyevin idarə etdiyi “Mercedes” markalı avtomobillər toqquşub. Nəticədə C.Abbasov və sərnişini olan həyat yoldaşı Nərgiz xəstəxanaya yerləşdirilib, C.Abbasov orada ölüb, qadının vəziyyəti orta-ağırdır.

Beyləqan Rayon Polis Şöbəsində araşdırma aparılır.