Hollandiyalı turistlər bu ölkəyə axın edir

Yay tətilini Türkiyədə keçirmək istəyən avropalıların sayında yenidən artım müşahidə edilir. Hollandlar bu sırada birinci yerdə qərarlaşıb.

Telexeber.az xəbər verir ki, bu barədə Türkiyə mediası məlumat yayıb. Yerli KİV-in yazdığına görə, mart ayı olmasına baxmayaraq, on minlərlə Hollandiya vətəndaşı Türkiyənin istirahət mərkəzlərində, dəniz kənarında yetləşən otellərdə yer rezervasiya ediblər. Turistlərin böyük əksəriyyətini 4 nəfərdən ibarət olan ailələr təşkil edir. Onlar əsasən İstanbul, Antalya, Alanya, Bodrum, Çeşmə və Kuşadasındakı prestijli otelləri seçiblər.
Hollandiyalı turistlərin Türkiyəyə axın etməsi iki əsas səbəblə əlaqələndirilir: təhlükəsizlik və ucuzluq. Türkiyənin İtaliya və Fransa ilə müqayisədə xeyli ucuz olması bu ölkəyə turist axınını gücləndirib.