Çindən dəhşətli görüntülər - Morqlar dolub, cəsədləri küçədə yandırırlar / FOTOLAR

Çində koronavirusdan ölüm hallarının artması səbəbilə krematoriyalarda və morqlarda yer tapa bilməyən ailələr yaxınlarını küçədə yandırmağa başlayıb.

Telexeber.az xəbər verir ki, karantin qaydalarının yumşaldılmasından sonra koronavirusun ölkənin ən böyük şəhəri Şanxayda əhalinin təxminən 70 faizinə yayıldığı güman edilir. “Dailymail” xəbər verir ki, çinli mütəxəssislər koronavirusdan yaxın aylarda milyonlarla insanın ölə biləcəyi barədə xəbərdarlıq ediblər. Məlumata görə, Şanxay, Guangcou və Chongqing kimi böyük şəhərlərdə yoluxma halları rekord həddə çatıb.Ciciang əyalətində gündəlik yoluxma sayının 1 milyona çatdığı qeyd edilib.


Qeyd edək ki, Çində karantin qaydalarının sərt olmasından şikayət edən sakinlər etiraz aksiyaları təşkil etmiş, bundan sonra qaydalar yumşaldılmışdı.