Prezident İlham Əliyev cari ilin 28 may tarixində Laçın şəhərinə səfəri zamanı çıxışında
qeyd etdi ki, Azərbaycan-Ermənistan sərhədinin Laçın istiqamətində sərhəd-buraxılış
məntəqəsini quraraq öz ərazi bütövlüyümüzü tam bərpa etdik. Sərhəd-buraxılış məntəqəsi
son məntəqə idi ki, Ermənistandan Azərbaycanın Qarabağ bölgəsinə və əks istiqamətə
oradan nəzarətsiz hərəkət var idi. Hərəkət indi də var, amma tam nəzarət altındadır.
Ermənistan 10 noyabr 2020-ci il tarixli üçtərəfli Bəyanata etinasız yanaşmaqla, icrası
zəruri müddəaları kobud şəkildə pozmağa davam edir. Bunlardan ən əsası isə humanitar
məqsədli Laçın dəhlizindən öz çirkin hərbi-siyasi məqsədləri üçün istifadə idi. Eyni
zamanda, Azərbaycanın Qarabağ iqtisadi rayonundan Ermənistan silahlı qüvvələrinin
qalıqlarının və qanunsuz silahlı birləşmələrinin çıxarılması tələbini nəinki icra etmədilər,
əksinə. ərazilərin minalanmasını, separatçıların silah-sursatla təmin olunmasını həyata
keçirdilər, təbii sərvətlərimizin talan edilərək Laçın dəhlizi vasitəsilə Ermənistana
daşınmasını davam etdirdilər. Bütün bu qanunsuzluqlara və haqsızlıqlaraetiraz olaraq
azərbaycanlı ekofəallar, ictimai və qeyri-hökumət təşkilatlarının nümayəndələri tərəfindən
Laçın-Şuşa-Xankəndi yolunda etiraz aksiyalarına başlandı. Onların qarlı, şaxtalı havada
nümayiş etdirdikləri haqlı mübarizə əsl fədakarlıq nümunəsi oldu. Lakin bu sivil etirazlara və
bəyanatlara baxmayaraq qarşı tərəf rus sülhməramlı kontingentinin himayədarlığından
yararlanaraq alternativ yollardan istifadə etməklə öz çirkin əməllərini davam etdirdilər.
Beləliklə, bütün bu qanunsuz əməllər Azərbaycan tərəfinin haqlı olaraq daha ciddi tədbirlər
görməsini zəruri etdi. 2023-cü il aprel ayının 23-də Azərbaycan-Ermənistan sərhədində
Laçın rayonu ərazisində Həkəri çayının üzərində Laçın sərhəd-buraxılış məntəqəsi quruldu,
dövlət bayrağımız dalğalandırıldı. Əldə olunmuş bu tarixi nailiyyət ölkə başçısının
planlaşdırdığı hərbi-siyasi xarakterli strateji gedişlərin əməli nəticəsidir.
Bu gün Azərbaycan-Ermənistan sərhədindəLaçın sərhəd-buraxılış məntəqəsinin
yaradılmasını həzm edə bilməyən Ermənistan tərəfi və onu himayə edən qüvvələr ölkəmizi
guya Ermənistanla sərhəddə vəziyyəti gərginləşdirməkdə, Qarabağ bölgəsində humanitar
böhran yaratmaqda təqsirləndirirlər.Bu cür yanaşmaqla əslində onlar Azərbaycanın daxili
işlərinə müdaxilə etməklə yanaşı, uzun illərdən bəri Ermənistan tərəfindən ölkəmizə qarşı
həyata keçirilən təcavüzkar siyasətə fərqli don geyindirməyə çalışırlar.
Ölkəmizin sərhədlərinin mühafizəsi və bu sərhədlərdən keçid ölkə qanunvericiliyinə və
beynəlxalq səviyyədə qəbul edilmiş qaydalara uyğun şəkildə həyata keçirilir. Bütün çirkin
iftiralara rəğmən ölkəmiz öz suveren ərazisində sərhəd-buraxılış məntəqəsini qurduğu ilk
gündən Qarabağ bölgəsində yaşayan etnik azlıq olan erməni sakinlərinin hər iki istiqamətə
gediş-gəlişini şəffaf şəkildə təmin edir.
Laçın sərhəd nəzarət-buraxılış məntəqəsinin yaradılması ölkəmizin suveren hüquqları
çərçivəsində atılmış legitim əsaslı addımdır. Belə ki, Laçın ölkəmizin tarixi ərazisi
olduğundan burada həyata keçiriləcək tədbirlər, o cümlədən sərhəd-buraxılış məntəqəsinin
yaradılması da ölkəmizin daxili işidir. Dövlət təhlükəsizliyimizə yönəlik təhdidlərə qarşı
suveren ərazimizdə sərhəd-buraxılış məntəqəsinin yaradılması beynəlxalq hüququn norma
və prinsiplərinə uyğun olaraq tam qanunidir. Sərhəd təhlükəsizliyimizin təmin olunması
ölkəmizin milli təhlükəsizliyi ilə yanaşı, qanunun aliliyinin də tələbidir.
Sərhəd-buraxılış məntəqəsinin yaradılması humanitar yardım adı altında Qarabağa gizli
yollarla hərbi texnika və silah-sursatın, xüsusilə minaların daşınmasının qarşısını alır. Qeyd
edək ki, 2020-ci ilin 10 noyabr razılaşması ilə döyüş əməliyyatları dayandırıldıqdan bu günə
qədər Ermənistan silahlı qüvvələri tərəfindən basdırılmış minaların partlaması nəticəsində
hərbi qulluqçu və mülki şəxs olmaqla ümumilikdə 299 nəfər vətəndaşımız mina terrorunun
qurbanına çevrilmişdir. Onlardan 55 nəfər həlak olmuş, 244 nəfər isə müxtəlif dərəcəli
bədən xəsarətləri almışdır. Bu xüsusda Laçın sərhəd-buraxılış məntəqəsinin yaradılması
yaxın gələcəkdə Qarabağda qanunsuz yerləşdirilmiş erməni silahlı birləşmələrinin
çıxarılması, seperatçıların tərksilah olunması baxımından böyük önəm daşıyır.
Laçında Həkəri çayının üzərində Laçın sərhəd-buraxılış məntəqəsinin qurulması böyük
Zəfərdən sonra əldə edilmiş əhəmiyyətli hərbi-siyasi qələbə kimi Azərbaycan tarixinə qızıl
hərflərlə yazıldı.
Qadir Əzizov,
4 nömrəli Yol Yaşıllaşdırma MMC-nin direktoru
