Binəqədi 1-ci mədən ərazisində, palçıq vulkanının ətəyində ağır texnika fəaliyyətdədir. Torpaq qatının hamarlanması, sahələrin bölünməsi və açılan yol izləri açıq şəkildə görünür.
Bu isə artıq sadə təsadüfi hərəkət deyil.
Sual yaranır:
Vulkanın ətəyində kimə və nə üçün yol açılır?
Palçıq vulkanlarının ətrafı geoloji baxımdan həssas zona hesab olunur. Belə bir ərazidə torpağa müdaxilə və yol infrastrukturu yalnız müvafiq icazə və ekspertiza əsasında həyata keçirilə bilər.
Ortaya çıxan suallar isə daha da dərinləşir:
Bu texnikanın sahibi kimdir?
Yol hansı tikinti üçün hazırlanır?
Sabah burada yaşayış və ya obyekt tikintisi planlaşdırılırmı?
Ərazi üzrə torpaq təyinatı dəyişdirilibmi?
Ekoloji rəy varmı?
Yerli nəzarət strukturları bu prosesə hansı münasibəti göstərir?
Əgər hər şey qanun çərçivəsindədirsə, ictimaiyyətə açıq və şəffaf məlumat verilməsi vacibdir.
Əgər məlumat yoxdursa, sual daha sərt səslənir:
Bu ərazi kimlərin maraq dairəsindədir?
Çünki vulkanın ətəyində açılan hər yol, sadəcə torpaq deyil — gələcək tikintinin və marağın izidir.
İctimai nəzarət tələb olunur.
"Məsələ ilə bağlı aidiyyəti qurumlara rəsmi sorğu göndəriləcək.”
Rəsmi açıqlama gözlənilir.
