Azərbaycanda ağır qəza: Sürücü öldü, həyat yoldaşı yaralandı

Gədəbəydə ölümlə nəticələnən ağır yol qəzası baş verib.

Telexeber.az APA-ya istinadən xəbər verir ki, hadisə rayonun Düzyurd kəndində qeydə alınıb.

Hərəkətdə olan "Niva" markalı minik maşını yoldan çıxaraq hasara çırpılıb.

Qəza zamanı sürücü - 78 yaşlı Əmrah İsrafilov hadisə yerində ölüb.

Onun həyat yoldaşı - 75 Zərqələm İsrafilova xəsarət alaraq xəstəxanaya yerləşdirilib.

Faktla bağlı araşdırma aparılır.