Bərdədə yas mərasimində xəsarət alanların vəziyyəti açıqlandı

Bərdə rayonunun Yeni Daşkənd kəndində baş verən hadisədə xəsarət alan iki nəfərin müalicəsi Bərdə Rayon Mərkəzi Xəstəxanasında davam etdirilir.

Telexeber.az xəbər verir ki, bu barədə TƏBİB-dən bildirilib.

Qeyd edilib ki, onların vəziyyətləri stabildir.

"Digər xəsarət alanlar xəstəxanadan evə buraxılıblar", - deyə məlumatda vurğulanıb.

Qeyd edək ki, noyabrın 23-də Bərdədə yas mərasimi keçirilən evin döşəməsi çöküb. Hadisə nəticəsində 33 nəfər xəsarət alıb, bir nəfər isə vəfat edib.