Bu gün Binəqədi Rayon 335 nömrəli tam orta məktəbin direktoru, səmimiyyəti, qayğıkeşliyi və yüksək insani keyfiyyətləri ilə seçilən Aynurə Nəzərlinin ad günüdür.
Aynurə Nəzərli üçün məktəb sadəcə bir iş yeri deyil — bu, onun həyatının bir parçası, ürəkdən bağlandığı bir məkandır. O, rəhbərlik etdiyi təhsil ocağında təkcə nizam-intizamı deyil, eyni zamanda isti münasibətləri, qarşılıqlı hörməti və anlayışı da qoruyub saxlamağı bacarıb. Onun hər bir şagirdə valideyn qayğısı, hər bir müəllimə isə həmkar hörməti ilə yanaşması kollektivdə xüsusi rəğbət doğurur.
Direktor olaraq tələbkar, insan olaraq isə mərhəmətli olan Aynurə Nəzərli gənc nəslin savadlı, vətənpərvər və əxlaqlı ruhda yetişməsinə böyük önəm verir. Məhz bu yanaşma onu həm müəllimlərin, həm də valideynlərin etimad ünvanına çevirib.
Bu əlamətdar gündə Telexeber.az kollektivi olaraq Aynurə Nəzərlini ürəkdən təbrik edir, ona möhkəm can sağlığı, ailə xoşbəxtliyi, işində daim uğur, yolunda isə yalnız işıqlı insanlar arzulayırıq. Qoy yetirdiyi hər bir şagird onun zəhmətinin ən gözəl mükafatı olsun. 🌷
