Çox sayda rus qırıcısı Polşaya daxil oldu - NATO hərəkətə keçdi

Rusiyanın çox sayda döyüş təyyarəsi Polşanın hava məkanına daxil olub.

Telexeber.az xəbər verir ki, bu barədə NATO Müttəfiq Hava Komandanlığı məlumat paylaşıb. Məlumata görə, Rusiya döyüş təyyarələrinin Polşa hava məkanına girməsi səbəbiylə Norveçin iki F-35 təyyarəsi havaya qaldırılıb. Təyyarələr dərhal Polşanın hava məkanına yönələrək, Rusiya qırıcılarına xəbərdarlıq edib. Açıqlamada deyilir ki, Norveç təyyarələri ilk dəfə Polşa hava məkanını aktiv şəkildə müdafiə etmək üçün havaya qaldırılıb.
Bildirilib ki, Norveç bu həmləsi ilə NATO-nun şərq cinahına bağlılığını nümayiş etdirib. F-35-lərin müdaxiləsindən sonra Rusiya təyyarələri geri çəkilib.