Azərbaycan səhiyyəsində öz peşəkarlığı, insanpərvərliyi və yüksək təşkilatçılıq bacarığı ilə seçilən tanınmış tibb xadimlərindən biri də Musa Abbasovdur. Hazırda Neftçilər Xəstəxanasının baş direktoru kimi fəaliyyət göstərən Musa Abbasov, həm də ölkəmizdə anesteziologiya və reanimatologiya sahəsinin inkişafına mühüm töhfələr verən tanınmış mütəxəssislərdəndir.
Əməkdar həkim, anestezioloq-reanimatoloq və tibb üzrə fəlsəfə doktoru olan Musa Abbasov uzun illərdir ki, səhiyyə sistemində yorulmadan çalışaraq minlərlə insanın həyatının xilas olunmasında və sağlamlığının bərpasında mühüm rol oynayıb. Onun rəhbərliyi altında Neftçilər Xəstəxanasında tibbi xidmətlərin keyfiyyəti daha da yüksəlib, müasir tibbi avadanlıqların tətbiqi genişləndirilib və xəstələrə göstərilən xidmətlər beynəlxalq standartlara uyğun şəkildə təşkil olunub.
Musa Abbasovun rəhbərliyi ilə xəstəxanada həyata keçirilən yeniliklər, tibbi heyətin peşəkarlığının artırılması istiqamətində görülən işlər və xəstələrə humanist yanaşma tibb ictimaiyyəti tərəfindən yüksək qiymətləndirilir. Bu gün Neftçilər Xəstəxanası ölkənin aparıcı tibb müəssisələrindən biri kimi tanınırsa, burada Musa Abbasov kimi təcrübəli rəhbərin əməyinin böyük payı var.
Peşəkar fəaliyyəti ilə yanaşı, Musa Abbasov gənc həkimlərin yetişməsinə də xüsusi diqqət yetirir, onların təcrübə qazanmasına və müasir tibbin yeniliklərini mənimsəməsinə dəstək göstərir. Onun rəhbərliyi altında formalaşan tibbi kollektiv xəstələrə göstərilən xidmətin keyfiyyətini daim yüksək səviyyədə saxlamağa çalışır.
Bu gün Musa Abbasovun fəaliyyəti bir daha sübut edir ki, peşəkarlıq, məsuliyyət və insan sağlamlığına həssas yanaşma Azərbaycan səhiyyəsinin inkişafında mühüm rol oynayır. Onun gördüyü işlər və səhiyyəyə verdiyi töhfələr həm tibb ictimaiyyəti, həm də vətəndaşlar tərəfindən böyük rəğbətlə qarşılanır.
Telexeber.az olaraq, ölkə səhiyyəsinə töhfə verən belə peşəkar və fədakar həkimlərin fəaliyyətini diqqətdə saxlamağa davam edəcəyik.
